Интерпол издаде меѓународна потерница за шест мажи кои имаат врска со ФИФА на барање на американските власти, што значи дека тие ризикуваат да бидат уапсени каде и да патуваат. Интерпол соопшти дека биле издадени „црвени известувања“ за двајца поранешни функционери во фудбалската асоцијација и за четворица директори на корпорации под обвинение за рекетирање, заговор и корупција. Меѓу нив е и поранешниот потпретседател на ФИФА, Џек Варнер од Тринидад и поранешниот член на извршниот комитет Николас Леоз од Парагвај.