Ирачкиот премиер Хаидер ал Абади изјави дека меѓународната коалиција не прави доволно во борбата против милитантите на Исламска држава во неговата земја. Говорејќи на конференцијата во Париз, тој порача и дека коалиционите партнери не обезбедуваат доволно воздушна поддршка за да се сопре напредокот на Исламската држава, а недостасува и поддршка во копнените операции.
Според него, приливот на странски борци во Ирак не запира и сега најголем дел од борците потекнуваат од странски земји. Абади нагласи дека до пред една година бројката на странски борци изнесувала 40 проценти.