Опозицијата попладнево маршираше од таканаречениот Камп на слободата пред владата до Министерството за култура во знак на протест против проектот Скопје 2014. На маршот се придружија граѓани и активисти. Протестниот марш следи по вчерашното објавување нови нелегално снимени телефонски разговори, кои како што тврди опозицијата покажуваат дека лично премиерот Никола Груевски е креатор на проектот кој го измени ликот на центарот на Скопје.
По маршот, во кампот продолжи дебата со Илија Николовски од Партијата на пензионерите, универзитетскиот професор Станислав Пипан, Максим Димитриевски од СДСМ и Горан Мисоски од НСДП.