Сирискиот министер за надворешни работи Валид ал Муалем изјави дека неговата земја сака поголема координација со Ирак во борбата против милитантите на Исламската држава. Тој говореше за време на заедничката прес конференција со шефот на ерменската дипломатија Едуард Налбандиан во Дамаск. Според него, и Сирија и Ирак сфатиле дека мора заедно да дејствуваат, но не била постигната соодветна координација во однос на нивото на заканата со која се соочуваат.