Премиерот на Србија Александар Вучиќ изјави дека неговата земја го третира Косово и ќе продолжи да го третира како свој составен дел. Тој за време на посетата на Тирана и по средбата со албанскиот премиер Еди Рама порача дека е факт оти не се согласуваат околу Косово и Метохија. Но, според него, Србија и Албанија, без оглед на различните ставови кон Косово, не треба да ги заоструваат меѓусебните односи, туку треба да ги почитуваат разликите и да изнајдат заеднички јазик.