Претседателот на Европската Комисија, Жан Клод Јункер го поздрави унгарскиот премиер Виктор Орбан со зборовите „Здраво диктаторе“ кога тој пристигна на самитот на ЕУ и Источното партнерство во Рига. Орбан на тоа му возвратил со „Здраво голем војводо“, забелешка која се однесува на потеклото на Јункер. Европски претставници и дипломати соопштија дека Јункер и претходно му се обраќал на Орбан со истите зборови, но сега тоа за прв пат го направил пред новинарите.