Амнести Интернешнел соопшти дека и владините сили и проруските сепаратисти кои се борат во источна Украина речиси секојдневно извршуваат воени злосторства, меѓу кои тортура и убиство на затвореници. Во најновиот извештај на организацијата е наведено дека поранешни затвореници на двете завојувани страни сведочеле дека биле малтретирани со дивјачко тепање, тортура, и електро шокови. Според организацијата, за потребите на извештајот сведочеле 17 затвореници на сепаратистите и 16 на владините сили.
