Албанскиот премиер Еди Рама изјави денеска дека неговата земја ќе го поддржи влегувањето на Македонија во НАТО, но најважната работа, според него е гаранција за спроведување на Охридскиот договор. Тој во обраќањето на регионалниот самит против тероризмот во Тирана рече и дека ги поддржува напорите на сите земји од Балканот, вклучително и на Косово, за влегување во НАТО, но за Македонија тоа е условено.
Според него, случувањата во Куманово, се неприфатлива трагедија и ризично е кога се мешаат поимите. Поимот „тероризам“ и поимот „Албанци“ во Македонија се сплотиле, како што наведува тој и тоа е неприфатливо во време кога Албанците се важен државотворен фактор за земјата.