Хрватските политичари ја осудија одлуката на српскиот Врховен суд за рехабилитацијата на командантот на четничкото движење Дража Михајловиќ. Хрватскиот министер за правда Орсат Милениќ изјави дека тоа е „голема грешка, еднаква на рехабилитација на Адолф Хитлер или Бенито Мусолини“.Според него, Михајловиќ за Хрватите е фашист и злосторник, а неговото движење извршило големи злосторства врз хрватските граѓани. Поранешниот хрватски претседател Стипе Месиќ рехабилитацијата на Михајловиќ ја оцени како правен и политички скандал.