Министерството за здравство соопшти дека здравствената состојба на 20 припадници на безбедносните сили на Македонија, кои се хоспитализирани на хируршките клиники во Скопје е стабилна. Според соопштението, во Градската општа болница „8 Септември“ се згрижени девет припадници на безбедносните сили на Македонија, при што сите се во добра здравствена состојба и се очекува во текот на денот најмалку двајца од нив да бидат пуштени на домашно лекување.