Во полициската акција во Куманово за разбивање терористичка група загинаа шестмина полицајци.
Како што потврдија нивните семејства, станува збор за Жарко Кузмановски (32) од Брвеница, Сашо Самоиловски (32) од Тетово и Ненад Серафимовски (28) од Зубовце, Исамедин Османи, Бобан Ивановиќ и Горан Илиевски.
Во акцијата се повредени и триесетина полицајци кои се хоспитализирани во кумановската болница и на скопските клиники.
Спорадични истрели од оружје во Куманово и надлетување на хеликопери во Куманово се слушаа во текот на ноќта и изутрината, по што од МВР информираа дека се уште е во тек акцијата за расчистување на теренот во рамки на акцијата за разбивање на вооружената група во кумановската „Дива Населбa“.