Премиерот Никола Груевски по денешното објавување на прислушуваните материјали изјави дека тие покажале оти власта немала никаква улога во трагичното загинување на новинарот Никола Младенов. Тој порачува дека немаат ништо против за нова истрага, иако не се сомневале во исправноста на постапката на обвинителите и во исправноста на постапката на институциите. Но, според него заради поголема доверба во процесот да не останат повторно некои шпекулации дека нешто се прикривало, затаило итн. поддржуваат истрага и нејзино што побрзо спроведување.
