Без договор заврши уште една средба на претставници на Средношколскиот пленум и на Министерството за образование и наука. Од пленумот најавија дека нивната борба продолжува и понатаму. На средбата овој пат имаше и мониторинг од Народниот правобранител, детската амбасада Меѓаши и од Хелсиншкиот комитет. Средношколците претходно побараа и тие да бидат вклучени со цел да не бидат изманипулирани и да не паднат под политички влијанија.