Претседателот Ѓорге Иванов изјави денеска дека Македонија веќе 10 години се наоѓа во чекалната на ЕУ. Според него, одлагањето на проширувањето Унијата демотивира и создава фрустрации во македонското општество, како и нестабилност во политичкиот живот и тензии во меѓуетничките односи.
Тој на отворањето на третиот Глобален форум во Баку, Азербејџан истакна и дека Македонија не е единствената што ги трпи последиците од одлагањето на проширувањето. Тој посочи дека Косово се соочува со масовни миграции, додека Босна и Херцеговина со нестабилност. Иванов претходно оствари средба со азербејџанскиот претседател Илхам Алиев.