Министерот за безбедност на Босна и Херцеговина, Драган Мектиќ изјави денеска дека земјата има проблем со тероризмот на кој мора да се возврати. Тој посочи дека Советот на министри го анализира вчерашниот напад врз полициската станица во Зворник. Според него, извршителот на терористичкиот чин не е евидентиран во базите на безбедносните агенции и сега се утврдуваат мотивите за злосторството. Мектиќ потенцира дека напаѓачот најверојатно бил мотивиран од радикална идеологија.
