Тендерски местенки, скандалот со фирмата Визарис која беше поврзана со уредничката Ивона Талевска, политичка вмешаност во „Сопот“, судските пресуди кои се носат само со консултација на премиерот Никола Груевски се дел од таканаречените бомби кои денеска ги објавува СДСМ во Велес. Претседателот на општинската организација на СДСМ Панче Иванов вели дека аудио снимките од прислушуваните разговори се поврзани со функционерите во власта во овој град. Во дел од разговорите се слуша договорањето околу тендерските постапки со компанијата „Визарис“ и за милионската сума која се очекувала да легне на сметката на компанијата.
