Руските опозициски партии, предводени од антикорупцискиот активист Алексеј Навални се согласиле да формираат обединет фронт пред одржувањето на парламентарните избори во 2016 година. Соопштението доаѓа откако Навални и неговата „Партија на прогресот“ ги здружи силите сопартијата на Борис Немцов, кој неодамна беше убиен со цел да формираат демократска алијанса и да ги надминат годините на меѓусебни расправии. Според Навални, анкетите покажуваат оти голем број на Руси кои не се претставувани во Парламентот се незадоволни од политиките на претседателот Владимир Путин.