ЕУ ќе издвои до една милијарда евра за вклучување на земјите од Западен Балкан во Главната мрежа за инфраструктурно поврзување. Ова денеска го договориле премиерите на Македонија, Албанија, Босна и Херцеговина, како и Србија, Црна Гора и Косово со еврокомесарите за проширување и за транспорт, Јоханес Хан и Виолета Булц.
Хан по конференцијата изјави дека се среќни за постигнатиот договор, оти поврзување е едно, но сеопфатна дополнителна мрежа е нешто друго. ЕУ, според него ќе придонесе како прв чекор до 130 милиони евра во 2015 година од ИПА 2 фондовите, со цел да се почне со имплементирање на ова вмрежување. А, во следните години, според него ќе обезбедат до една милијарда евра.