Лидерот на СДСМ Зоран Заев по писменото обраќање на поранешниот претседател на Македонија Бранко Црвенковски изјави дека со оглед на тешката ситуација во која се наоѓа Македонија и длабоката политичка криза, добро е што тој се произнесол и ги соопштил своите ставови за состојбите во земјата. Воедно Заев во изјава за Дојче веле ја поздрави поддршката што Црвенковски ја изразува кон СДСМ и кон раководството на партијата.
Заев порача и дека за иднината на Македонија и нејзините граѓани неопходно е секој поединец да го даде својот придонес во остварувањето на зацртаните цели со проектот „Вистината за Македонија“, за враќање на слободата, демократијата и европските вредности во државата, а посебно ако тоа доаѓа од искусни луѓе како што е Црвенковски.