Премиерот Никола Груевски денеска остварил средба со делегација на постојаните претставници на земји во ОБСЕ. На средбата, според владиното соопштение, Груевски истакнал дека реформскиот процес и евроатланската интеграција на земјата е темелна заложба на Владата.
На средбата станало збор и за актуелната политичка состојба во земјата, при што соговорниците истакнале дека е потребно одговорно однесување, ангажман на сите политички чинители и активно учество на сите партии во работата на Собранието. Било истакнато и дека е потребно што побрзо надминување на предизвиците низ институциите на системот и обезбедување на перспектива за понатамошен напредок во интегративните процеси.