Од ВМРО - ДПМНЕ на денешната прес-конференција на СДСМ во Охрид реагираат дека партијата продолжува да ги повторува истите монтирани, креирани и прилепувани материјали добиени по нелегален пат. Според ВМРО ДПМНЕ, СДСМ се обидува со креираните и манипулативни материјали да се испере за криминалното владеење на нивниот поранешен градоначалник Аце Петрески и раководството на партијата во Охрид. Од ВМРО ДПМНЕ наведуваат дека нивната победа во Охрид била со околу 8 илјади гласови разлика, односно добиле речиси двојно повеќе гласови од СДСМ.