Милитанти на Исламската држава влегле во најголемата рафинерија во Ирак, во градот Баиџи, соопштија ирачки официјални претставници. Рафинеријата се наоѓа на двесте километри северно од Багдад и таа е едно од местата каде што се водат жестоки борби откако милитантите во јуни минатата година освоиле големи делови од Ирак. Ирачката војска со помош на меѓународната коалиција, пред извесно време успеала да ги потисне милитантите на Исламската држава од Баиџи.
