Лидерот на ДУИ Али Ахмети за аферата со масовното прислушување изјави денеска дека не е добра за државата и оти домашните институции треба да покажат демократски капацитет за да се справат со ситуацијата. Ахмети по средбата со амбасадорот на ОБСЕ во Македонија Ралф Брет во Тетово порача и дека автентичноста на прислушувањата треба да се утврди од страна на судот, но треба да почне и политички дијалог меѓу политичките партии во земјата. Тој појасни и дека двата процеса треба да се олеснат со активно учество не само на Европскиот Парламент, туку и на Комисијата.