Mинистерот за надворешни работи Никола Попоски во интервју за „Ди Пресе“ изјави дека Грција се обидува да добие на време во разговорите со името. Според него, грчката влада во моментов не е во можност да троши енергија на ништо друго, освен за решавање на економската криза. Во врска со спомениците во Скопје кои предизвикуваат негативни реакции кај јужниот сосед, Попоски смета дека иако претходно немало такви споменици, Грција сепак ја блокирала Македонија. Тој воедно порачува дека Русија не е алтернатива и тоа е илузија. Според него, за Македонија нема друга алтернатива освен ЕУ и НАТО.
