Симпатизерите на рускиот опозициски лидер Борис Немцов, денеска му одадоа почит, откако се навршија 40 дена од неговото убиство во близина на Кремљ. Неколку стотици луѓе положија цвеќиња и запалија свеќи на местото на убиството. Тие планираа да одржат и концерт, но никој не се нафати да го организира настанот во чест на Немцов, кој беше остар критичар на претседателот Владимир Путин.