Од ВМРО ДПМНЕ денеска реагираа на кривичните пријави кои СДСМ ги поднесе против Сашо Мијалков, директор на УБК, Светлана Костова, судијка во Вишиот Управен суд и Хаим Хакијни, странски државјанин. Во соопштението е наведено дека и оваа пријава која ја поднесува СДСМ, како и претходните е правно неоснована.
Нивната цел, се посочува во реакцијата, е да се правдаат себе си низ пријави кои ги поднесуваат мислејќи дека бројката е поважна од правната аргументација и доказите. Од ВМРО - ДПМНЕ им порачуваат на СДСМ да не се надеваат дека со вакви тужби, кои ни студент од прва година не би ги напишал, ќе може да се пазарат и манипулираат со јавноста.