Шиитските бунтовници и нивните сојузници ја заземале претседателската палата во Аден, додека се обидуваат да ја преземат контролата врз јеменскиот пристанишен град. Коалицијата предводена од Саудиска Арабија околу една недела спроведува воздушни напади врз позициите на бунтовниците во Јемен.
Претседателот Абу Рабу Мансур Хади отпатува во Саудиска Арабија минатата недела додека бунтовниците го освојуваа градот Аден. Тој претходно го напушти и главниот град Сана откако бунтовниците ја преземаа контролата во градот.