Македонскиот претседател Ѓорге Иванов од утре ќе престојува во дводневна официјална посета на Албанија. Иванов во Тирана ќе има средби со неговиот албански колега Бујар Нишани, со премиерот Еди Рама и со претседателот на Собранието Илир Мета.
Во рамки на посетата Иванов ќе се сретне и со градоначалникот на Тирана Љуљзим Баша. В петок тој ќе го посети и Пустец, каде што ќе се сретне со претставници на локалната македонска заедница.