Воените авиони на коалицијата предводена од Саудиска Арабија во Јемен шести ден по ред вршат напади на цели во земјата. Денеска биле нападнати депоа за оружје и кампови на бунтовниците во близина на Сана. Според жители на градот, тоа биле најтешките напади досега.
За прв пат денеска и воените бродови извршија напад врз упориштето на бунтовниците на аеродромот и периферијата на пристанишниот град Аден. Во меѓувреме иранските власти соопштија дека испратиле хуманитарна помош во Јемен.