Узбекистанската изборна комисија соопшти дека актуелниот претседател Ислам Каримов лесно извојувал победа на гласањето на изборите за кое имаше низа критики од страна на меѓународните набљудувачи и осуди од странските противници за негов реизбор на функцијата. Според податоците, Каримов освоил повеќе од 90 проценти од гласовите.
Каримов е на функцијата повеќе од 25 години и се очекуваше да го освои и четвртиот мандат. Тројцата останати кандидати на изборите беа непознати и за време на кампањата упатуваа пофалби кон владеењето на Каримов.