Жалбениот совет на Хашкиот трибунал денеска побара од Судскиот совет итно да ја повлече одлуката за привремено ослободување на лидерот на Српската радикална партија (СРС), Воислав Шешељ и да му нареди да се врати во протвор, соопшти денеска Хашкиот трибунал.
Шешељ денеска изјави дека нема доброволно да се врати во Хаг и дека стои зад се што изјавил откако се вратил во Белград, јавува Танјуг. „Да видиме како ќе ме апсат Александар Вучиќ и Томислав Николиќ, изјави Шешељ за „Новости“, додавајќи дека се наоѓа во седиштето на радикалите и дека врши партиски работи. Шешељ истакнал дека државата ќе мора да ја почитува временската постапка за екстрадиција и дека во тој период ќе се обиде да го оспори барањето на Хаг да се врати, бидејќи во Холандија му се загрозени сите права.