Жителите на украинскиот град Дњепропетровск одржаа, како што рекоа, „митинг на единство“ заради ублажување на судирот меѓу претседателот Петро Порошенко и регионалниот гувернер на областа што изби деновиве. Порошенко на 25 март го разреши моќниот тајкун Игор Коломојскиј од функцијата гувернер на Дњепропетровск, регион кој е во близина на териториите под контрола на бунтовниците во југоисточна Украина. Коломојскиј беше разрешен поради јавниот спор за контрола врз државните нафтени компании и обвинувањата дека користи приватна армија за да ги заштити и промовира своите интереси. Тој беше еден од сојузниците на владата, а неговите милиции спречија проруските сепаратисти да се пробијат на исток од границите на Доњецк и Луганск.