Советот за безбедност на Обединетите нации денеска ќе одржи седница зад затворени врати за ситуацијата на Крим. Русија пред една година ја анектираше украинската територија, потег кој беше осуден и отфрлен од поголемиот дел од меѓународната заедница. Спорет новинската агенција ТАСС, Москва нема да учествува на неформалната сесија иницирана од Литванија, бидејќи ја смета за контрапродуктивна и провокативна. Меѓу оние кои ќе се обратат на седницата ќе биде и признатиот лидер на националното движење на кримските Татари, Мустафа Џемилев, кој рече дека луѓето на Крим живеат и преживуваат во страв. Рускиот претседател Владимир Путин, анексијата на Крим ја опиша како потег кој треба да ги заштити Русите на Крим и да ги врати историските корени на нацијата.
