Министрите за внатрешни работи на Европската унија на состанокот во Брисел донесоа одлука за значително построга контрола на документите на патниците на границите на Унијата и на влегувањето во Шенген зоната. Тоа, како што е соопштено, е со цел сузбивање на тероризмот и на зголемениот прилив на илегални имигранти од Западен Балкан. Во документот од седницата се наведува дека на спектакуларен начин се зголемил бројот имигранти од Косово и оти унгарските власти соопштиле дека тие се една третина од сите лица кои илегално влегле на нејзина територија.
