Косовската влада денеска упати до парламентот два амандмани кои треба да овозможат основање Специјален суд за злосторствата на поранешната ОВК. Косовскиот премиер Иса Мустафа оцени дека на косовската влада не и е лесно да носи такви одлуки и ги повика пратениците да гласаат за амандманите, со цел да се исполни таа меѓународна обврска. Мустафа додаде дека ОВК водела чиста борба и го штитела прагот на својата куќа, а Специјалниот суд ќе се занимава со истраги против поединци, а не против ОВК. Опозицијата во косовскиот парламент се спротистави на формирањето Специјален суд и најави дека нема да гласа за негово основање
