Рускиот адвокат на Едвард Сноуден изјави дека поранешниот соработник на американските разузнавачки служби сакал да се врати дома доколку му биде гарантирано фер судење. Анатолиј Кучерена додаде дека тој соработувал со американски и германски адвокати во врска со ова прашање. Кучерена кој има блиски врски со Кремљ вчера одржа прес конференција на која ја претстави книгата што тој ја напишал за неговиот клиент. Во 2013 година Москва му даде азил на Сноуден кој претходно објави детали за американските програми за следење и надгледување.
