Министерот за финансии Зоран Ставрески, одржа прес-конференција во Владата на која соопшти дека денешните снимки од телефонските разговори меѓу него и министерката Гордана Јанкулоска, кои ги објави лидерот на опозицијата Зоран Заев, биле нецелосни и со селективна природа и имале за цел да внесат раздор во економскиот тим на Владата. Ставрески на прес-конференцијата ги набројуваше успесите на владата во економијата.
