Иран одржа воени вежби во близина на стратегискиот Ормутски теснец, во кои беше вклучен напад врз реплика на амрикански носач на авиони. Вежбите денеска беа одржани од страна на Исламската револуционерна гарда. Државната телевизија покажа како проектили беа истрелани од брегот и моторни чамци како удираат во воен брод на САД. На вежбата исто така беше вклучено поставување на подводни мини. Главниот команданд, Генерал Мохамед Али Џафари изјави дека вежбите испратиле порака покажувајќи ја силата на Иран кон надворешните сили. Во декември армијата на Иран одржа поморски вежби во близина на теснецот, каде поминува една петина од нафтата во светот.
