ЕУ: можен договор за иранската нуклеарна програма

Шефицата на европската дипломатија Федерика Могерини изјави дека со Иран било на дофат постигнување нуклеарен договор и побара од двете страни да покажат политичка волја пред новата рунда преговори во идната недела во Женева. „Не смееме да ја пропуштиме оваа можност“, рече таа. Претходно, преговарачите соопштија дека имало извесен напредок на крајот од дводневните преговори меѓу американски и ирански претставници во Женева, но оти имало уште многу работа до конечен договор.