Пакистански официјални лица велат дека две лица загинаа, а шест се повредени во напад врз шиитска џамија во Равалпинди, што е најновиот во серијата смртоносни напади насочени кон шиитите во Пакистан. Властите велат дека напаѓачот пукал со пиштол во џамијата, а потоа фрлил рачна граната или бомба. Портпаролот на Талибанците ја презеде одговорноста за нападот, велејќи дека е одмазда за тековната воена операција против милитантите во северен Вазиристан, во близина на границата со Авганистан.
