Грција и еврозоната не се договорија за спасувачкиот план

Вонредните разговори во Брисел меѓу Грција и нејзините кредитори од еврозоната завршија без да биде постигната согласност. Грчката нова радикално левичарска влада побара измени на меѓународниот пакет за спасување за кој смета дека е главен извор на економските тешкотии во земјата. Претставници на Европската унија ги отфрлаат барањата на Атина за повторно договарање на условите за пакетот во вредност од 240 милијарди евра. Грчкиот министер за финансии Јанис Варуфакис изрази надеж дека на идниот состанок најавен за 16 февруари ќе биде постигнат напредок околу барањата на Атина.