Шефот на Еврогрупата, Јерун Дејселблум, денеска упати предупредување кон новата грчка левичарска Влада на премиерот Алексис Ципрас, заради непочитување на спогодбите меѓу Атина и нејзините европски партнери, пренесуваат француските медиуми. По средбата со новиот грчки министер за финансии, Јанис Варуфакис, Дејселблум посочил дека игнорирањето на спогодбите не е добар пат по кој земјата треба да тргне. Грчкиот министер, пак, повторил дека Грција сака да води дијалог со Европа, но не и со нестабилната комисија на тројката.