Соединетите држави и сојузниците извршиле шест воздушни напади врз цели на милитантите на Исламската држава во Сирија, а 12 други во Ирак со цел да го задржат притисокот врз оваа милитантна група, соопшти претставник на американската армија. Пентагон потврди дека оваа недела, по четиримесечни борби милитантите биле истерани од Кобани и оти сега овој град на границата со Турција бил 90 насто под контрола на курдските борци.
