Во напад најверојатно изведен со американско беспилотно летало во Пакистан биле убиени шестмина милитанти, соопшти пакистанската разузнавачка служба. Се прецизира дека било погодено едно возило во граничната област меѓу Пакистан и Авганистан. Постои сомневање дека во возилото имало борци од Узбекистан. Радио Машал јави дека ова бил четврти напад со беспилотно летало во Пакистан од почетокот на годинава.