Пензионираниот кубански лидер Фидел Кастро даде претпазлива поддршка на затоплувањето на односите со Соединетите држави. Во писмото прочитано на државната телевизија Кастро вели: „Секое решение постигнато преку преговори меѓу Соединетите држави и секој народ од Латинска Америка би требало да биде третирано во согласност со меѓународните норми и принципи“. Притоа Кастро додава: Јас не им верувам на Соединетите држави, ниту сум разговарал со нив“. Во минатиот месец Вашингтон објави дека почнува разговори со Хавана за нормализирање на односите меѓу двете земји прекинати пред над 50 години.
