„Еболата продолжува да биде глобална закана“, изјави претставникот на Обединетите нации Исмаел Ахмед на вчерашната седница на Генералното собрание во Њујорк. Според него, во изминативе три недели во западна Африка биле регистрирани илјада нови случаи на заболени луѓе. Сепак, тој оцени дека поради меѓународната интервенција не се остварија, како што изјави, страшните проценки од пред три месеци дека ќе имало нови 10 илјади нови заболувања со ебола.
