Милитанти на екстремистичката група Боко Харам извеле напад во Камерун при што киднапирале шеесетина луѓе. Камерунската влада соопшти дека милитантите нападнале две села во северниот дел на земјата и притоа грабнале десетици луѓе, главно жени и деца. Претходно Чад соопшти дека ќе испрати војници како помош на Камерун во борбата против Боко Харам, екстремистичка група поврзана со Ал Каеда.