Голем број училишта во Грција денеска се затворени поради снегот кој падна во цела земја, дури и на некои острови во Егејско Море. Дел од училиштата во северниот и источниот дел на Атина, како и во северниот и централниот дел на Грција, како и на Крит и на Киклади, училиштата не работат по новогодишните празници поради снегот и студот.
Голем број патишта се непроодни или сообраќајот отежнато се одвива поради снегот и мразот. Снег утрово почна да паѓа во Атина.
На Киклади, на островот Тинос и Андрос, плажите се покриени со снег. Некои села се отсечени поради снегот, а има и прекин на електричната енергија. На планините на Крит снежната покривка изнесува еден метар.