Претседателот на Србија, Томислав Николиќ, изјави дека членството на Србија во Европската унија не смее да биде условено со откажување на земјата од Косово и Метохија. Тој потенцираше дека посакува Србија да биде дел од унијата, но дека таму треба да влезат горди и дека условот за влезот во унијата не смее да биде откажувањето од Косово. Тој изјави дека тоа на Европската унија и е толку јасно што цело време зборува дека никој тоа не го бара од нив. Тој истакна дека новиот состав на Европската комисија настапил многу поостро и поотворено за своите барања.
„Значи, тие не велат ние од вас не бараме да ја признаете независноста на Косово и Метохија, туку го зборуваат она што го соопшти германскиот парламент пред две години: за да станете член на ЕУ ќе морате да донесете потпишан договор за добрососедски односи со Косово во кој ќе бидат дефинирани сите ваши односи, рече Николиќ, додавајќи дека тоа во суштина е истото. „Ако Приштина не сака да го потпише тој договор, како ќе станеме членка на Европската унија. А зошто не сака да потпише, затоа што не ја признаваме независноста на Косово, рече српскиот претседател.