Тринаесет војници од Националната гарда на Украина вчера загинаа во сообраќајна несреќа во источниот дел на земјата. Украинските власти соопштија дека несреќата се случила при судар на воен камион и автобус во лоши временски услови во регионот Доњецк. Еден од 12-те војници кои биле хоспитализирани починал рано утринава.
Гардистите биле ротирани на фронтот во конфликтот со проруските сепаратисти кои држат делови на регионите Доњецк и Луганск и имаат поддршка од Москва. Од април минатата година, во конфликтот загинаа повеќе од 4.700 борци. Борбата и натаму продолжува и покрај договорот од 5 септември за прекин на огнот.